ഇവിടെ മഴ പെയ്യുകയാണ്

ഇവിടെ മഴ പെയ്യുകയാണ്















ഇവിടെ വീണ്ടും മഴ പെയ്യുകയാണ്*

മനസ്സിൽ,  ഇണയുടെ വിരഹത്തിന്റെ ചൂടുയർത്തി

മണ്ണിൽ, ഇരയുടെ പ്രണയത്തിന്റെ മണമുയർത്തി

പകലിൽ, ഒടുങ്ങാത്ത പരാതിയുടെ പുകിലുണർത്തി

പലയിടങ്ങളിൽ, പലതും പറയാതെ ദുരിതമുണർത്തി

കടലിൽ, തിരകളിൻ കനിവിനാൽ അറുതി വരുത്തി

കരയിൽ, പകയുടെ കനലിന്റെ വറുതി വരുത്തി

നനവിൽ, കുളിരുന്ന തളിരിന്റെ ബാല്യമൊടുക്കി

നടുവിൽ,  നിറയാത്ത വയറിന്റെ വിശപ്പൊടുക്കി

ഒടുവിൽ...

മെയ്യുയർത്തി വെറിയുണർത്തി പുല വരുത്തി ദിനമൊടുക്കി...

ഇവിടെ വീണ്ടും മഴ പെയ്യുകയാണ്....


Comments

  1. Sujith E SJune 7, 2017 at 8:57 PM

    ഇത് വായിച്ച ഞങ്ങളുടെ മനസ്സിലും
    മഴ തിമിർത്തു പെയ്യുകയാണ്.
    സുരാജിന്റെ അക്ഷര മേഘങ്ങളിൽ നിന്നും
    മണ്ണിലേക്കുതിരുന്ന കാവ്യ മഴത്തുള്ളികൾക്കു എന്തൊരു ഭംഗിയാ...
    നിലയ്ക്കാതെ പെയ്യട്ടെ...

    ReplyDelete
  2. AnoopJune 7, 2017 at 9:33 PM

    ഈ മഴ നനയുമ്പോൾ, ഓരോ തുള്ളിയിലും നിറയെ സുഗന്ധമാ , ഓർമ്മകളാ .....

    ReplyDelete
  3. Deepthi M PisharodyJune 8, 2017 at 2:15 AM

    Nice

    ReplyDelete

Post a Comment

Popular posts from this blog

ഇടവപ്പാതി

Image
ഇടവപ്പാതി ഇവിടെ ഇടതടവുകളില്ലാതെ ഇനിയുമൊരു ഇടവം വരുമായിരിക്കും...  പരാതികളില്ലാതെ പരിഭവങ്ങൾ കലരാതെ,  പടവുകൾ കയറി വന്ന് പാതിയായ് പെയ്തിറങ്ങും...  നിന്റെ ഇടതൂർന്ന ഇഴകളിലൂടെ എന്റെ ഇടതു കയ്യാൽ സ്നേഹം തരുമ്പോൾ  വലതു കയ്യിൽ എന്നുമുണ്ടാകും ഇവിടെയൊന്നു എഴുതി നിറയ്ക്കുവാൻ ഒരു മഷിപ്പേന കൂടി...  ഇവിടെ അവസാനിക്കുന്നില്ല...  ഇവിടെ തുടങ്ങുകയാണ്... 
Read more
Image
ലോക്ക് ഡൗണിൽ മഴ പെയ്യുമ്പോൾ...  അമ്മ പച്ചയോലക്കീറുമായി ഇവിടെ വയ്ക്ക് ഇവിടെ വയ്ക്കെന്നും പറഞ്ഞു കൊണ്ട് അങ്ങോട്ടും ഇങ്ങോട്ടും ഓടി നടക്കുന്നുണ്ട്... ഒടിഞ്ഞ കൈകൾ ഉള്ളതാണെങ്കിലും ഇരിക്കാൻ ഉപയോഗിക്കാത്തതെങ്കിലും ബലമുള്ള കാലുകൾക്ക് നല്ല ഉറപ്പുള്ളതുമായ സാമാന്യം ഭാരമുള്ള ഒരു പഴയ മരക്കസേരയും തൂക്കി ഞാൻ പിന്നാലെ നടന്നു തുടങ്ങിയിട്ട് നേരം കുറച്ചായി...പുറത്തു മഴ അതിന്റെ സർവ്വ ശക്തിയുമെടുത്ത് പെയ്തു വീണു കൊണ്ടിരിക്കുക തന്നെയാണ്... അല്ലെങ്കിലും മഴ വന്നാൽ അമ്മക്ക് ആസ്വാദനമൊക്കെ കുറവാണെന്ന് എനിക്ക് പലപ്പോഴും തോന്നിയിട്ടുണ്ട്... പേടിയാണ് കൂടുതൽ... ഓർമ്മ വച്ച നാളുമുതൽ എന്നുള്ള ഡയലോഗ് എനിക്ക് മാത്രമാണെങ്കിലും അതിനേക്കാളൊക്കെ ഒരുപാടു കാലത്തെ പഴക്കമുണ്ടായിരുന്നു ഞങ്ങളുടെ വീടിന്... നാലുക്കെട്ടൊന്നുമല്ലാത്തതു കൊണ്ടും സാധാരണ മണ്ണു കൊണ്ടുണ്ടാക്കിയ ഇഷ്ടികകൾ കൊണ്ടുള്ള നിർമ്മിതി ആയിരുന്നതു കൊണ്ടും പുരാവസ്തു പട്ടികയിൽ വരാനുള്ള സ്‌കോപ്പും കുറവായിരുന്നു ഞങ്ങളുടെ വീടിന്... ഏറെക്കുറെ ചിതലുകൾ തിന്നു തീർത്ത പട്ടികകൾ ഇല്ലാത്ത പലയിടങ്ങളിലും പണ്ടു മേഞ്ഞിരിക്കുന്ന ഓടുകൾ വായുവിലങ്ങനെ ഒരു മാജിക്ക്കാരന്റെ കരവിരുതോടെ നിൽക്കു...
Read more